नेपाल–जापान कूटनीतिक सम्बन्ध स्थापना भएको ७० औँ वर्षको गौरवमय अवसरमा नेपालका सम्माननीय राष्ट्रपति श्री रामचन्द्र पौडेलज्यू र जापान सरकारका उच्चस्तरीय नेतृत्वबीच सौहार्दपूर्ण भेटवार्ता सम्पन्न भएको छ ।
उक्त भेटका क्रममा विगत सात दशकदेखि कायम रहँदै आएको नेपाल–जापानबीचको ऐतिहासिक मित्रता, आपसी विश्वास तथा बहुआयामिक सहकार्यलाई अझ सुदृढ बनाउने विषयमा सकारात्मक विचार–विमर्श भएको छ । विकास, लगानी, पर्यटन, मानव संसाधन विकास तथा सांस्कृतिक आदान–प्रदानका क्षेत्रमा सहकार्य विस्तार गर्दै साझा समृद्धितर्फ अघि बढ्ने विषयमा दुवै पक्षबाट सहमति व्यक्त गरिएको छ ।
सात दशक लामो नेपाल–जापान सम्बन्ध अब केवल ऐतिहासिक मित्रतामा सीमित नरही, भविष्य केन्द्रित सहकार्य, दिगो विकास र जनस्तरको साझेदारीतर्फ अग्रसर हुँदै गएको स्पष्ट सन्देश यस भेटवार्ताले प्रवाह गरेको छ ।
